VIGAN CITY – Maysa a bangkay ti nalmes a menor de edad ti nasarakan idiay Balas-iyan River, Bab-asig, Patiacan, Quirino.
Nabigbig ti biktima a ni Adelfa Ayomen, agtawen iti sangapulo ket uppat, Grade 8 student a taga-Mabalite, Tadian, Mt. Province.
Segun iti Quirino Police Station, napan naglangoy ti biktima ken dagiti kaduana iti karayan kalpasan ti panagraepda iti asideg idin ta dimmakkel ti ayus ti danum gapu ti tudo nga isu ti nangiyanud iti biktima.
Naisayangkat nga insigida ti search and retrieval operation babaen kadagiti kameng ti Quirino Police Station, Bureau of Fire Protection, Municipal Disaster Risk Reduction and Management Council, dagiti volunteer iti nasao nga ili ken dagiti taga-Mabalite, Tadian, Mt.Province.
Alas dos iti parbangon ti May 5 a nasarakan ti biktima iti nagbaetan ti Likew ken Gesar Patiacan, Quirino babaen kadagiti residente ken volunteer ti Mabalite, Tadian, Mt. Province.
