--Ads--
VIGAN CITY – Maysa a bangkay ti lalaki ti nasarakan idiay Sitio Kakaldingan, Barangay Lungog, Narvacan, Ilocos Sur partikular iti daya a paset ti national highway.
Awan pay laeng ti pakabigbigan ti nasao a lalaki ngem daytoy ket mapatta-patta a 5’7 ti katayagna, kalalaingan ti pammagina, nakasuot iti gray tshirt ken no. 11 basketball shorts a red, yellow ken black ti kombinasyonna.
Iti pakpakauna a duktal dagiti pannakabagi ti linteg, adda ti dunor gapu iti pammagkong ken tama ti paltog iti bagina.
Maipampanawagan kadagiti adda mapukpukaw a kameng ti pamiliana a makikammayetda iti kapulisan a mangbigbig no daytoy ket kabagyanda.
-- ADVERTISEMENT --
