Bangkay ti maysa a lalaki, nasarakan iti kamposanto iti ili ti Sinait

VIGAN CITY – Nasarakan nga awan biagna iti kamposanto idiay Barangay Curtin, Sinait ni Junelvick Estabillo, agtawen iti tallopulo ket pito nga agdama nga agnaed iti Brgy Ballaigui, iti nasao nga ili.

Ni Estabillo ket nasarakan ni Michael Ibro, maysa a CAFGU Active Auxiliary a nai-augment iti nasao a kamposanto kas paset ti panagbantay iti Ligtas Undas 2022.

Gapu dayta, nagresponde dagiti pannakabagi ti linteg ngem awanen biagna idi makitada ti biktima.

Segun kadagiti kabagyan ti Estabillo, nalaing nga uminom iti arak ti biktima.

Nupay kasta, pinasingkedan ti kabsat ti biktima a saandan nga idalan pay iti autopsy ti bangkayna.