--Ads--
VIGAN CITY – Nasarakan a bangkay ni Rodel Bao-idang, agtawen iti tallopulo ket lima a taga-Barangay San Luis, Cervantes.
Nakaawat ti Cervantes Police Station iti tawag manipud ken ni Gregorio Bucasan a mangipakpakaammo nga adda bangkay iti kabambantayan a paset ti Barangay Remedios iti nasao nga ili.
Nagturong nga insigida dagiti pannakabagi ti linteg ti Cervantes Police Station kadua ni Dr. Alvin Halon iti RHU Cervantes ket kinuyog met ida ni Ben Wanden Taguiba a mapan iti lugar a nakasarakan ti bangkay.
Indeklarar ni Dr. Alon a dead on the spot ti biktima gapu ti dunor iti ulona.
-- ADVERTISEMENT --
Agtultuloy ti imbestigasyon dagiti pannakabagi ti linteg no adda foul play iti napasamak.
