VIGAN CITY – Nasarakan a tumtumpaw iti karayan ti bangkay ni Pablo Gadiano, agtawen iti innem a pulo ket lima, agnaed iti Barangay Talogtog Caterman, Candon City.
Pinasingkedan dagiti mangngalap a da Rogelio Pascua, agtawen iti limapulo ket tallo ken ni Rey Pascua a mapanda koma iti Talogtog-Caterman bridge tapno kitaen dagiti padada a mangngalao idi nakitada ti bangkay ti biktima.
Dagus a napakaamoan ti pamilia ni Gadiano a naipan payiti Ilocos Sur medical Center para iti medical examination ngem naideklara a dead on arrival.
Segun ken ni April Rose Gonzalo, kaanakan ti biktima, 11:30-12:00 ti aldaw iti July 8 ket pimmanaw ti ulitegna a mapan karayan tapno agala iti onnok ngem saanen a nagawid pay ngem ti panagammoda ket napan nakiinninom kadagiti gayyemna.
Malaksid iti dayta, nakita nga adda gasgas iti rupa ti biktima.
Nupay kasta, manarimaan ti imbestigasyon dagiti otoridad inaig ti napasamak.