VIGAN CITY – Dead on arrival ni Samuel Arafiles Abrogena, agtawen iti limapulo ket lima, taga-Barangay Tamag, Vigan City gapu iti pannakalmesna iti karayan idiay Barangay Pandan, Caoayan kangrunaan iti asideg iti Pandan boardwalk.
Iti pannaki-uman ti Bombo Radyo Vigan ken ni Police Captain Medel Perinion, nakairuaman ti biktima nga iti minalem ket dumagas iti maysa nga store idiay Barangay Callaguip nga uminom iti arak.
Segun kadagiti pamiliana, no makainom iti tallo a botelya ti arak ti biktima ket maiturognan.
Sakbay a napasamak ti insidente, innem a botelya ti nainom ti biktima kabayatan ti panagtugtugawna ket natinnag iti karayan a puon ti nakatayanna agsipud ta saanna pay ammo ti aglangoy.
Agingga a nakita met ti bangkayna iti igid ti karayan a tumtumpaw ngem nupay kasta ket awan ti pagilasinan iti dunor ken foul play iti bagina.
Naipaagas iti ospital ngem saanen a naisalakan pay ti biagna.
Natakuatan a ti biktima ket nakita nga agmaymaysa sakbay iti pannakakita ti bangkayna.
