VIGAN CITY – Awanen biagna idi nasarakan iti uneg ti balayna iti ili ti San Julian, Magsingal ni Edison Padayao, agtawen iti limapulo ta maipagarup a nakoriente.
Iti pannaki-uman ti Bombo Radyo Vigan ken ni PLt. Rodel Ragasa iti Magsingal Municipal Police Station, nakaawatda ti report nga adda nasarakan a bangkay iti nasao a lugar nga isu ti napanda insigida kinita ket nasarakan nga imbal ken awanen biagna ti biktima.
Idi pay laeng July 14 a naudi a nagpatang ti biktima ken ti asawana agingga a saanna metten matawagan.
Naamuan nga idiay Sta Maria nga agnanaed ti asawa ti biktima ta maysa isuna a kagawad.
Nakita iti uneg ti kuarto ni Ragasa ti bimtak nga extension wire ken ti nadadael nga outlet.
Nupay kasta, manarimaanen paylaeng ti imbestigasyon dagiti pannakabagi ti linteg.
