VIGAN CITY – Bangkayen idi nakita iti maysa a manggalap idiay Brgy. Gabao , Santiago , Ilocos Sur.
Nabigbig ti biktima a ni Warlon Escalona, 26, baro ken agnanaed iti nasao a lugar.
Maibasar ti report, napan nagkalap ti biktima iti kabaybayan iti bigat ti Enero 11 ngem saanen a nakasubli iti rabii.
Gapu iti dayta, timmawag iti pamilya na kadagiti otoridad ket idi napan da nagresponde, tengga iti rabiin ngem saan da pay a nakita ti biktima.
Alas dose y medya iti tengga ti rabii idi Enero 12 ket nakita ni Marvin Real, maysa a manggalap iti kabaybayan a sakup ti Brgy. San Roque iti bangkay ni Escalona.
Kinuna ni Sr. Insp. Aristeo Tajon, acting chief of police ti Santiago municipal police station, mapapati a naatake ti biktima ta segun kadagiti kabagyan na ket adda ag-agalen na a sakit.
