VIGAN CITY – Mapapati a nalmes ni Mark Anthony Agusto, agtawen iti tallopulo ket dua, mangngalap a taga-Sabangan, Santiago a nasarakan ti bangkayna idiay idiay Brgy. Apatot, San Esteban.
Iti pannaki-uman ti Bombo Radyo Vigan ken ni PLt. Arnold Calzado, timmapog ti biktima iti rakitna ta napan nagkalap ket gapu ti mapapati a kapigsa ti kimat ken tudo iti aldaw nga apanna panagkalap ket saanen a nakasubli pay iti pagtaenganda.
Adda kakadua ti biktima a timmapog iti rakitda a mapukpukaw met laeng ngem naisalbarda met laeng iti ili ti Sta. Cruz.
Pinagtitinnulongan dagiti pannakabagi ti linteg nga impaigid ken impan iti ospital ngem naideklarar a dead on arrival.
Alas sais iti rabii ti August 19 a napan iti kabaybayan ti Santiago ti biktima nga agkalap ket idi kalman a nasarakan ti bangkayna.
