VIGAN CITY – Maysa a bangkay ti lalaki iti nasarakan iti creek idiay Brgy. Cabaroan, Bantay.
Segun ti Bantay Police Station ti nakita a bangkay ket nabigbig a ni Melvin Pajarillo Pingen, agtawen ti uppat a pulo ket maysa, baro nga agnaed idiat Brgy. Cabaroan, Bantay.
Nakaawat iti tawag dagiti pannakabagi ti linteg manipod Brgy. Captain iti nasao a barangay ket impakaammoda ti nasarakanda a bangkay a nakaidda iti creek isu a nagrespondeda.
Segun ti kasinsin ti bangkay a ni Michelle Tabarangao, immatendar ti misa idi kalman ti biktima idiay San Julian, Bantay ngem saanen a nakasubli pay.
Ngem itay alas sais y media iti bigat, dua a menor de edad iti nagtugaw iti asideg iti creek ket nakitada ti bangkay isu nga impakaammoda ken ni Joel Cadondon a kabsat ti biktima isu a napanda iti lugar a nakasarakan ti bangkay ket impadasda nga inyaon manipod iti danum tapno isalbar pay ngem indeklarar ni Dra. Mary Almira Divina, Municipal Health Officer iti Bantay a natayen ti biktima.
