VIGAN CITY- Ma-autopsy iti bangkay ni Rensy Murao nga agtawen iti dua pulo ket walo, mammukis ken taga-Paratong Norte, Bangar, La Union ngem temporaryo nga agnanaed idiay Sitio Camanggaan, Cuancabal, Cabugao a nasarakan iti bangkay na iti maysa nga irrigation canal nga awan iti danum na idi agsapa idi kalman.
Mapapati a naaksidente ti biktima ta iti abay ti bangkay na ket ti motorsiklo na a natulid ken adda dunor iti akin-kannawan a pingping ken kannawan nga abaga na.
Patien ni Police Senior Inspector Ramil Llarenas, hepe ti Cabugao municipal police station a nu adda kuma nakakita iti napasamak ken ti biktima ket posible a naisalbar pay iti biyag na ta saan met unay a nakaro dagiti dunor a sinagaba na.
Naamuan a naggapu iti birthday party ti biktima, kadua na dagiti gagayyem na ket idi alas nuwebe iti rabii idi February 7, napan da nagmami sakbay da a nagawid ngem saanen a nakaawid pay ti biktima iti pagtaengan da agingga a nasarakan laengen iti bangkay na iti nasao a lugar.
