--Ads--
Nasarakan a tumtumpaw ti bangkay ti maysa a lalaki idiay Mestizo River, Barangay Beddeng Laud, Vigan City.
Nabigbig ti biktima a ni Ansgar Baldemor Acena.
Iti pannaki-uman ti Bombo Radyo Vigan ken ni PLT. Florian Follante manipud iti Vigan City Police Station, maibasar iti CCTV footage ket nakita a naggapu idiay Barangay Cuta ti biktima ken nagnagna a mapan idiay Beddeng.
Idi makadanon iti rangtay naawanan iti balanse ti biktima gapu iti kinabartekna isu a natinnag iti karayan a puon ti pannakalmesna.
-- ADVERTISEMENT --
Awan met ti pagilasinan iti dunor iti bagi ti biktima.
Mayur-uray met ti desisyon ti pamilia ti biktima no kayatda nga ipaidalan iti autopsy ti bangkayna tapno maibagada no adda foul play wenno awan ti pannakatayna.
