VIGAN CITY – Mapapati a nagkissiw ni Efren Centeno, agtawen ti tallopulo ket pito nga agnaed iti Brgy. Lanipao, Narvacan a nasarakan ti bangkayna a tumtumpaw idiay Bimmilog Falls iti nasao a lugar.
Segun kenni Pol. Capt. Arcadio Viloria, hepe ti Narvacan Municipal Police Station, impakaammo kadakuada ni Reginald Liberato nga adda ti bangkay ti lalaki a tumtumpaw iti nasao a lugar.
Natakuatan manipud iti kabsat ti biktima a ni Roger Centeno nga adda sakit nga epileptic ti biktima isu a mapapati a nagdikar kabayatan iti panagturongna idiay Villa Mercedez, San Quintin, Abra.
Gapu iti mapapati a pannakaikaglis ti biktima ket nadunor ti timidna ngem no pay kasta, maidalan iti autopsy ti bangkayna tapno maduktalan no pudno a nalmes wenno ti sakitna iti nakatayanna
