VIGAN CITY – Nasarakan iti bangkay ti maysa a lalaki a nagalotan iti kayo ti bagina babaen iti tali iti karayan idiay Gongogong, San Ildefonso.
Kinumpirmar iti Bombo Radyo Vigan ni PCapt. Alberto Ramos nga Officer-in-Charge iti San Ildefonso Municipal Police Station a ti bangkay ket isu ni Jonathan Rapin, agtawen ti sangapulo ket walo, helper iti maysa a talon idiay Barangay Gongogong, San Ildefonso a naireport a mapukpukaw manipod April 11 iti agdama a tawen.
Segun ken ni Ramos, mapan koma agpakan iti ikan ni Joven Dela Cruz, agtawen ti tallopulo ket lima idi adda nabangsit a naangotna ken nakitana iti tumtumpaw a bangkay ti lalaki a naigalot iti kayo.
Hustisya iti kiddaw ti pamilia ti biktima ta saanda a maawat iti napasamak isu nga idalanda iti autopsy tapno mabigbig nu ania iti rason iti nakatayanna.
Kabayatanna, kiddaw met ni Ramos kadagiti adda ammona iti pasamak a makitinnulongda iti imbestigasyon tapno masolbar iti nasao a pasamak.
VOICE OF PCAPT. ALBERTO RAMOS
