VIGAN CITY – Inyawiden ti pamilya ni Jerry Cenal iti bangkay na idiay Brgy.Centro 1, Claveria, Cagayan a natay gapu iti pannakadisgrasya na idiay Barangay Callaguip, Caoayan idi alas dose baente iti agsapa idi November 2.
Segun ti Caoayan municipal police station, napan iti pamilya ni Cenal iti istasyon ti pulisya ket binayabayan da ida a napan nangala iti bangkay ti biktima idiay Ilocos Sur Provincial Hospital- Gabriela Silang.
Maipalagip nga idi nadisgrasya ni Cenal idi naminsan nga aldaw ta napukaw na iti kontrol iti manibela iti nagluganan na a motorsiklo ket nagsagaba iti nakaro a dunor iti ulo a poon iti nakatayan na iti laksid a naitaray iti nasao nga ospital.
Kagiddan iti dayta, nagpalagip dagiti pulis kadagiti amin a motorista ken dagiti agmanmaneho ti lugan nga agannad da iti panagmaneho da ken nu nabartek dan ket saan da nga ipilit pay iti agmaneho
