VIGAN CITY – Nagdesisyon iti pamilya ni Timoteo Joseph Garcia nga agtawen ti uppat a pulo ket tallo a saanen a maipa-autopsy iti bangkay na nu di ket post mortem examination laengen kas pinasingkedan ni Police Chief Master Sergeant Florante Cardenas ti Santa municipal police station.
Nasarakan iti bangkay ni Garcia iti uneg ti pagtaengan na idi nakaangot iti nabangsit dagiti tattao a lumab-labas iti paraangan na idiay Barangay Mabilbila Sur, Santa nga insigida nga inyawag da kadagiti opisyal iti barangay.
Idi adda ti maysa kadagiti agindeg iti nasao a lugar a simmirip iti nakalukat a paset iti tawa iti pagtaengan ti biktima, nakita nan iti naka-idda a ni Garcia.
Agsipud iti dayta, immawag da ti pulis nga isu iti nangasikaso iti bangkay.
Segun ken ni Cardenas, naudi a nakita a sibibiyag ti biktima idi malem ti September 28 idi napan dimmawat iti sida na iti kapiduwa na.
