--Ads--
VIGAN CITY – Nainget nga im-imbestigaran dagiti miyembro ti Sta. Maria municipal police station iti rason nu apay a natay ti maysa a German national a nabigbig a ni Hans Peter Kuhne a nasarakan iti bangkay na idiay Bia-o, Sta. Maria idi alas dos kwarenta y singko iti malem idi kalman, January 16.
Mapan kuma da Mila kenni Mario Cabradilla iti pagtaengan ti biktima ta gumatang da iti niyog.
Idi adda da iti main gate iti pagtaengan, nakita da ti biktima a nak-ilad idiay terrace na isu a pinagunyan da ngem saan a simmungbat ken saan a naggar-garaw.
Agsipud iti dayta, nagpatulong dagiti agassawa iti barangay secretary a nangipaka-ammo ken ni Engr. Anacleto Rabanal nga isu iti immawag iti pulis.
-- ADVERTISEMENT --
