--Ads--
VIGAN CITY – Naiyawiden idiay Poblacion, Quirino iti bangkay ti estudyante ti Bachelor of Science in Forestry idiay Ilocos Sur Polytechnic State College- Sta. Maria a nakuryente idi malem idi November 16 idiay Barangay Raois, Vigan City.
Nabigbig ti biktima a ni Benedict Gum-oyen nga agtawen ti dua pulo ket maysa.
Maipalagip a napan ni Gum-oyen iti pagtaengan iti mestra da idiay Raois, kadua na ti gayyem na a ni Reymark Cabotage nga agtawen ti dua pulo ket maysa ta isu iti nakairuwaman da nga aramiden nu awan iti klase da tapnu adda iti pangalaan da iti kwarta da a mapan agbasa.
Agpukpukan iti sanga ti kayo ti biktima idi mapapati a nasagid na iti live wire iti asideg iti nagpukanan na nga isu iti nakakuryentean ken poon iti nakatayan na.
-- ADVERTISEMENT --
