Cyprus soldier alleged serial killer
VIGAN CITY – Agruprupsan a nasarakan dagiti otoridad idiay Cyprus iti bangkay ti Pinay domestic helper a ni Maricar Valdez Aqruiola a taga-Gabur Norte, Sta. Cruz a naikabil iti maysa a suitcase wennu maleta a naibelleng iti man-made Red Lake idiay Mitsero, Cyprus.
Segun ken ni Barangay Chairman Edgardo Jaduca a maysa kadagiti kakabagyan ti biktima iti pannaki-uman kenkuana ti Bombo Radyo Vigan, idi pay laeng napalabas a tawen a nagpukaw ni Maricar kalpasan a nagpakada a mapan iti gayyem na ket saan da a ninamnama a bangkayen a masarakan da.
Ni Maricar iti mapapati a maikanem a biktima ti serial killing idiay Cyprus.
Dua kadagiti lima a biktima ket naikabil met laeng ti maleta ken naibelleng met laeng iti nasao a lugar kas ken ni Maricar.
Ti agdama, maisagsaganan dagiti kasapulan a dokumento tapnu maiyawid ditoy probinsiya ti bangkay ti Pinay DH.
