VIGAN CITY – Manarimaan pay laeng iti imbestigasyon dagiti kameng ti Sta. Catalina municipal police station tapnu maamuan nu adda foul play na wennu awan iti pannakatay ti maysa a baket nga agtawen ti siyam a pulo ket dua idiay Sitio Namnama, Barangay Cabittaogan, Sta. Catalina.
Nabigbig ti biktima a ni Marciana Rapacon a taga- Sitio San Gregorio, Cabittaogan, Sta. Catalina.
Mapan kuma kitaen ni Manuel Ritualo nga agtawen ti lima pulo ket tallo nga agnaed idiay Sitio Namnama, Barangay Cabittaogan iti puttot na idi nakita na iti bangkay ti biktima a tumtumpaw.
Maibasar met iti panagsaludsod dagiti kameng ti Sta. Catalina PNP kadagiti kakabagyan ken kameng ti pamilya ti biktima, idi naminsan nga aldaw a naudi a nakita da ti biktima ket nakigtot da laengen idi maipadamag kadakuada a nasarakan iti bangkay na iti nasao a lugar.
