VIGAN CITY – Nagpatulong ditoy Bombo Radyo Vigan ni Marilou Cabotaje nga agtawen iti tallo pulo ket innem a taga- Aquib, Narvacan nga OFW idiay Saudi Arabia tapnu maipaka-ammo kadagiti pamilya ni Rahima Kamungit Amir a taga- Kabuntalan, Maguindanao a pada na nga OFW idiay Saudi Arabia iti pannakatay na.
Segun ken ni Cabotaje, naamuan na iti napasamak ken ni Amir idi nagsaludsod kenkuana ti gayyem na nu kasanu iti agipatulod iti bangkay ditoy pagilian.
Idi sinaludsod na ken ti gayyem na nu apay nga agsalsaludsod kenkuana iti kasjay nga impormasyon, naibaga ti gayyem na nga adda iti agsalsaludsod kenkuana a gayyem na nga Egyptian national nga isu iti gayyem iti Arabo nga amo ni Amir.
Ti dayta a kanito, naamuanen ni Cabotaje iti napasamak ken ni Amir ngem saan na nga ammo nu kasanu a natay ti biktima.
Ti agdama, manarimaan pay laeng iti pannakikinnammayet ni Cabotaje ken ti gayyem na tapnu mapalutput da ken ti Egyptian national a gayyem iti Arabo nga amo ti biktima nu anya iti pudno a napasamak.
