VIGAN CITY – Naisangpeten idiay Barangay Parioc Primero, Candon City iti bangkay ti pimmusay a kadete ti Philippine Military Academy gapu iti stage 4 esophageal cancer a ni Cadet 2nd class Cedrick Gadia kas kinumpirmaran ni Candon City public information officer Jun Balbin.
Segun kenni Balbin, sakbay a naisangpet ti bangkay ni Gadia ket namisaan pay idiay PMA a kas nakairuwaman iti akademiya nu adda iti matay a kadete kas panangpadayawda kadakuada.
Kagiddan iti dayta, ingunam-gunam ni Balbin a nu anyan to iti pagkurangan iti tulong nga ipaay ti akademiya iti pamilya ti pimmusay a kadete ket isunto iti litupan ti city government ti Candon.
Sakbay a simrek iti akademiya, ni Gadia ket nagbasa ti Bachelor of Science in Criminology idiay North Luzon Philippine State College (NLPSC) kas maysa a working student.
