--Ads--
VIGAN CITY– Ado iti nakiladingit iti pamilya iti CEO ti Sacred Heart Savings Cooperative a maysa kadagiti 38 a natay iti trahedya idiay Resorts World Manila kalpasan a naiyawid iti bangkay na iti pagtaengan da idiay Brgy. Rubio, Galimuyod, Ilocos Sur.
Ngem agingga ita ket saan pay a nangiruar iti statement iti pamilya ni Jaime “Jim” Gaboy, Jr. no apay nga adda isuna idiay Resorts World idi napasamak iti insidente.
-- ADVERTISEMENT --
Saan a nakakaskasdaaw nga ado iti makiladladingit iti pannakatay ni Gaboy agsipud ta nalaing a makikadwa saan laeng a kadagiti kaam-ammo na no di ket kadagiti kadwa na iti trabaho.
Inulila ni Gaboy ti asawa na a ni Sally ken dagiti dwa nga annak da.
