VIGAN CITY- Nasarakan dagiti kameng ti Bantay municipal police station iti bangkay ni Jojie Formoso, agtawen iti tallo pulo ket tallo, baro ken residente ti Poblacion, Dolores, Abra iti uneg iti bodega iti itlog a kukua ni Carlito Sumay, agtawen iti uppat a pulo ket maysa, naasawaan ken residente ti Barangay San Julian West, Bantay.
maibasar iti imbestigasyon, segun ken ni Dave Vincent Serrano, agtawen iti dua pulo ket innem, baro, katrabhuwan ti biktima, nakita na laengen a nakadasay iti uneg iti bodega iti bangkay ti biktima isu nga inreport na iti amo da ket naipakaammo kadagiti pannakabagi ti linteg.
Naamuan a ti biktima ket nagawid idi May 18 idiay Abra para iti panagselebrar na iti panagkasangay na idi March 19 ngem nagpakada a saan a makasubli nga insigida iti kabigatan na ta agangkit isu nga idi laeng May 23 a simrek iti trabaho na ngem inbaga na a kabaelan nan iti agtrabaho agingga nga itay bigat ket nasarakan laengen iti bangkay na iti uneg iti bodega.
