VIGAN CITY – Nakahalf-mast ita ti munisipio ti Narvacan kas pannakipagladingit iti lokal a gobierno iti ipupusay ni Vice Mayor Joseph A. Tejada.
Segun iti Mayor Pablito Sanidad Sr., agtalinaed a nakahalfmast ti bandera aginga iti pannakaitabon ti bise mayor.
Nangituding ti LGU Narvacan ti aldaw nga ibibisita ti kada barangay a nangrugin idi September 27.
September 29. iskedyul ita a bumisita dagiti taga- Paratong ken Turod iti oras 9:00-11:00 iti agsapa idinto nga alas dos agingga alas singko ti malem ti panagbisita dagiti taga- Ambulogan ken Camarao.
September 30 ket para iti Vice Mayors League; October 1 iti alas nuebe agingga alas onse ti agsapa ket dagiti taga-Bulanos, Pantoc; alas dos agingga alas singko iti malem ti taga San Pablo ken Orence.
October 2 ket schedule dagiti taga-Cadacad, Casilagan iti agsapa idinto a ti kamalemanna ket dagitu taga-San Jose ken Rivadavia.
October 3 iti agsapa ti panagbisita dagiti taga-Dasay, San Antonio idinto a ti kamalemanna ket dagiti taga-Santa Lucia ken Dinalaoan.
October 4 iti agsapa ket dagiti taga-Aquib, Parparia idinto a ti kamalemanna ket dagiti taga-Nanguneg.
October 5 iti agsapa ti panagbisita ti taga-Sucoc, Cagayungan idinto kamalemanna ket schedule dagiti taga-Lungog.
October 6 iti agsapa dagiti taga-San Pedro, iti malemna ket dagiti taga Abuor ken Bantay Abot.
October 7 iti agsapa dagiti taga Banglayan, Estancia, kamalemanna dagiti taga-Quinarayan
Naimasayag ti bangkay ni Bise Mayor Tejada iti pagtaenganda iti Barangay Quinarayan.