VIGAN CITY- Lima pulon a porsyento ti naiyimprentan a balota para ti May 13 midterm elections kas kinumpirmaran ni Commission on Election (Comelec) spokesman James Jimenez iti eksklusibo nga interview ti Bombo Radyo Vigan kenkuana.
Ti laengen manarimaan a maiyim-imprenta ket dagiti balota a mausar para ti Region 1, Region 2 ken National Capital Region (NCR) ket posible a sakbay ti Semana Santa ket malpas ton ti sibubukel a printing process.
Immun-unan a naiyimprenta ti mausar para kadagiti lugar a masakupan ti Bangsamoto Autonomous Region in Muslim Mindanao (BARMM) ken para kadagiti makipaset ti Overseas Voting.
Dagiti masapul para ti overseas voting a mangrugi inton April 13 agingga May 13 ket naipatuloden, puwera laeng dagiti mausar para ti election by mail ken manual election nga isu iti sumaruno a trabahoen da tapnu makumpleto iti kabiitan a panawen iti panangipatulod kadagiti masapul para ti overseas voting.
