VIGAN CITY- Masayang laeng dagiti balota a naimprenta para ti barangay ken sangguniang kabataan elections nu saan a matuloy inton May 14 kalpasan a naaprubaran iti committee level ti House Committee on Suffrage and Electoral Reforms iti singasing a pannakaisanud iti eleksyon inton Oktubre kagiddan iti plebisito.
Ti pannakiuman ti Bombo Radyo Vigan ken ni Commission on Elections Spokesman James Jimenez, inbaga na a nu saan a matuloy iti eleksyon inton Mayo ket masayang dagiti amin a panagsagana da nangruna dagiti naimprenta a balota.
Innayon na a nu aggiddan iti plebisito ken eleksyon, kasapulan da ti agimprenta ti baro a balota agsipud ta awan iti naimprenta a balota ti agdama iti pagpilyan dagiti tattao nu kanunungan da ti plebisito wennu saan.
