VIGAN CITY- Nangisayangkat ti mini-debut party ti pamilya ken gagayyem ti 17 anyos a balasang iti Vigan City, Ilocos Sur bayat iti maudi a rabii ti lamay na.
Nupay inton Abril pay laeng ti debut ni Erika “Ikang” Peria , ti balasang a mapapati a nagbekkel gapu iti maatap a panangrames kenkuana ti syoman a ni Romulo Tesoro , ket sinelebraran da ti maika-18 a kasangay na.
Itattay ket naitabonen ni Ikang ngem inpasigurado ti Vigan City Police Station a saan a karaman a maidulin ti imbestigasyon da iti pudno a rason iti nakatayan ti biktima.
Maipalagip a nagbalin a kontrobersyal iti pannakatay ti balasang kalpasan a nagwaras iti social media iti mapapati a “suicide note” na nga iti nakailanad ket inbutaktak na a ti syoman na ti ama ti anak na a bunga iti pannakarames na.
