--Ads--
VIGAN CITY– Nalmes iti maysa a gangannaet a balasang kalpasan a ginandat na nga isalakan iti kabsat na a dandani nalmes idiay Salapasap, Cabugao, Ilocos Sur.
Nabigbig ti biktima nga isu ni Elizabeth Ann Aquino, agtawen iti tallu pulo ket tallo, maysa a negosyante ken residente iti Meycauayan, Bulacan.
Maibasar iti report, napagnunumuan ti biktima ken dagiti pamilya ken kakabagyan na iti mapan agdigos iti baybay a masakupan iti Brgy. Salapasap.
Nakita ti biktima nga agkidkiddaw iti tulong iti kabsat na a ni Jose Marie Aquino, agtawen iti dua pulo ket dua ken awanan asawa, isu a timmapog tapnu mapan na isalakan nga isu iti nakalmesan na.
-- ADVERTISEMENT --
Naitaray pay laeng iti balay-pagagasan ti biktima ngem saanen a nasalbar pay iti biyag na.
