VIGAN CITY – Makapungtot ni Gian Carla Cabanas a taga- Narvacan gapu iti panangbastos wennu panangharass kenkuana ti pada na a pasahero iti naglugnan na a bus.
Naglugan iti bus ni Cabanas idiay Magsingal ket adda ti maysa a lakay nga immabay kenkuana uray nu adu pay laeng dagiti bakante a tugaw iti uneg ti bus.
Segun kenkuana, nagdamag – damag ti lakay kenkuana kadagiti naduma-duma nga impormasyon agingga nga inbaba na ti zipper iti pantalon na ket ingagara na pay a sagid-sagiden iti bakrang na.
Gapu iti dayta, nagdardaras nga immalis iti nagtugawan na ti balasang ket insigida met a dimsaag iti nasao a bus ti lakay.
Saan laengen a ni Cabanas iti nabiktima ti nasao a lakay ta adu pay dagiti mapapati a naharass na babaen iti isu met laeng a wagas.
