Awan ti nasken a pakadanagan ti publiko iti panangipasa iti courtesy resignation ti arigna amin a gabinete ni Presidente Ferdinand Marcos Jr.
Segun ken ni Palace Press Officer Claire Castro, saanna kayat a sawen daytoy a nakapsut ti gobierno ta ti revamp ket wagas a panangipakita ti presidente nga awan lugarna iti administrasyon dagiti sadot ken korap nga opisial.
Imbes a panunoten a nakapsut ti gobierno ket nasken a ragsaken pay ket ti publiko a masukatan dagiti opisial a saan a maiparbeng iti puesto.
Innayon ni Castro a daytoy ti pangrugian iti nabilbileg a panangidaulo ti presidente iti pagilian.
Kalpasan ti binnalasa iti gabinete, impanamnama ti Malakanyang iti publiko ti napaspaspas a serbisyo-publiko ken dagiti proyekto a maganarda agingga malpas ti termino ti presidente inton 2028.
