VIGAN CITY -Umaboten iti 797, 973 a vaccine doses ti naawat ti probinsia.
92 percent ket nakaawaten iti first dose idinto a 91 percent met ti fully vaccinated.
Kabayatanna, 18,764 dagiti nakaawaten iti booster shots a kaaduan ket dagiti healthworker ken senior citizen.
61,588 dagiti nabakunaanen a 12-17 years old idinto a ti 5-11 years old ket mayur-uray pay laeng ti go signal ti national government sakbay a mairugi ditoy probinsia.
114 percent ti nabakunaanen iti siudad ti Vigan; 107 percent iti San Vicente; 105 percent iti Bantay; 98 percent ti Nagbukel ken Banayoyo.
Ti laengen ili a Sugpon ti saan pay a nakagun-od iti 70 percent a target population ta 40 percent pay laeng ti nabakunaanda isu a planplanwen ti provincial government no ania dagiti insentibo a mabalinda nga ipaay kadagiti agnaed tapno maallukoyda nga agpabakuna.
