VIGAN CITY- Gapu iti mapapati a kinamananggagamod na ti maatap a rason iti pannakpaltog ti baket nga agtawen ti 67 idiay San Ramon East, Manabo, Abra.
Nabigbig ti biktima a ni Rosa Aliguen, balo ken agnaed iti nasao a lugar.
Segun kenni P/Sr. Insp. Harold Alagao, chief of police ti Manabo-PNP, magmagna ti biktima kadwa na ni Purita Dangatan , ket mapan da kuma iti simbaan idi pinaltugan da ti biktima a nakatamaan ti bukot na a poun iti nakatayanna.
Dukduktalen dagiti otoridad ti nagluganan dagiti suspek ken iti pakabigbigan da pakairamanan ti inusar da a paltog ta awan ti basyo ti bala a nakita iti nakapasamakan ti insidente.
Sakbay iti insidente ket nakaawat ti pangta ti biag ti biktima ket naakusaran a manggagamod a maysa kadagiti kitkitaen dagiti otoridad a motibo iti pammapatay.
