--Ads--
VIGAN CITY- Saanen nga ipa-autopsy ti pamilya ni Gorgonia Hadap ti bangkay na ta patien da nga awan iti foul play iti pannakatay ti biktima nga agtawen iti walo pulo ket walo.
Segun ken ni Police Senior Inspector Frederico Artates, deputy chief of police ti Sta. Lucia municipal police station, posible a naitupa ti ulo ti biktima iti flooring ti pagtaengan na idi rimuwar a naggapu ti banyo a poon iti nakatayan na.
Nakita pay laeng dagiti karruba na ti biktima idi agsapa ti January 17 ngem nasdaaw da idi rumabiin ta nagsipnget iti pagtaengan na isu a napan ti karruba na a kanakan na ket isun iti pannakakakita da ti bangkay ti biktima iti salas iti pagtaengan na.
-- ADVERTISEMENT --
