VIGAN CITY – Nagyaman ni Rosalina Fuerte, agtawen ti pito pulo ket innem nga agnaed idiay Brgy. Manangat, Caoayan gapu iti naawatna a tulong pinansial nga immay indanun ditoy istasyon ti Bombo Radyo Vigan ni Peter Esquerro a taga- Capangpangan, Vigan ta kayatna a tulungan ti biktima.
Ni Fuerte ti natakawan ti kalding idi February 6 iti pagiwaywaywayanna kadagiti tarakenna ken nagpakaasi nga isubli ti nagtakaw iti kaldingna agsipud ta narigat ti agtaraken ken isu ti pagwatwatwatanna no mapanna ida pakanen wennu ilinong.
Immun-unan nga inbaga ti baket nga ikkan na iti gunguna nu siasino iti mangisubli iti taraken na a natakaw.
Nu awanen iti mangisubli iti natakaw a kalding na, ti kwarta a naawat ni Fuerte manipud ken ni Esquerro ket inayon nanton iti igatang na iti taraknen na manen a kalding.
