© Bombo Radyo Legazpi Re: Epekto ng Bagyo Tisoy 
© Bombo Radyo Iloilo Re: Epekto ng Bagyo Tisoy
VIGAN CITY – Severe Tropical Storm laengen ni Bagyo Tisoy ta kimmapsot pay kabayatan iti panagpalaud-amyanan a laud na iti kabuntog a dua pulo a kilometro tunggal oras isu’t gapu na a naikkaten ti Tropical Cyclone Warning Signal Number 3 a naibayog kadagiti sumagmamano a lugar ditoy pagilian.
Naudi a nasaripatpatan ti bagyo iti kaadayo a dua gasut pito pulo ket lima a kilometro, laud- amyanan a laud ti Calapan City, Oriental Mindoro wennu sangagasut siyam a pulo ket lima a kilometro, laud- abagatan a laud ti Subic, Zambales a ti kapigsa iti angin na ket sangagasut a kilometro tunggal oras agingga a pumigsa ti sangagasut dua pulo ket lima a kilometro tunggal oras.
Uray nu naikkaten ti Signal Number 3, adda pay laeng dagiti lugar a naisakup ti Signal number 2 kas idiay Southern Zambales, Bataan, western Cavite, western Batangas ken northwestern Occidental Mindoro, pakairamanan ti Lubang Island.
Kabayatanna, dagiti met lugar a naisakup ti signal number 1 ket Metro Manila, western Quezon, Laguna, Rizal, nabatbati a paset ti Batangas ken Cavite, Northern Palawan, southwestern Bulacan, western Pampanga, western Tarlac, nabatbati a paset ti Zambales, Oriental Mindoro ken nabatbati a paset ti Occidental Mindoro.
Tatta nga aldaw, kalalaingan na agingga a nu dadduma ket napigsa a tudo iti mapasaran ditoy probinsiya ken dadduma pay a probinsiya ditoy Ilocos Region kas ti Ilocos Norte, La Union ken Pangasinan, Cagayan Valley, Cordillera Administrative Region ken Aurora nga epekto ti amihan ken Bagyo Tisoy.
Inton rabii agingga inton agsapa nu bigat ket posible a rumwar ton ditoy Philippine Area of Responsibility ti bagyo.
