VIGAN CITY – Nakaituding ti national government a mangipaay ti Bagong Pilipinas Serbisyo Fair iti tallo a probinsia idiay Mindanao ita a bulan ken iti umuna a paset iti Hunyo.
Segun ken ni House Speaker Martin Romualdez, nakaipaayem ti gobierno iti service caravan iti sangapulo ket walo a lugar.
Kinunana nga arigna aminen a rehiyon ket napananen ti Serbisyo Caravan pakairamanan idiay Bukidnon, Agusam del Norte, Sultan Kudarat ken Davao de Oro.
Dagiti manamnama a papananda iti sumarsaruno nga aldaw ken lawas ket idiay Zamboanga Cty, Tawi-Tawi ken Davao del Norte.
Malaksid ti fair ket pinasingkedan ni Romualdez nga insayangkat payen ti House of Representatives ti Cash and Rice Distribution Program; ti Integrated Scholarships and Incentives Program para kadagiti agtutubo; Start-up, Investment, Business Opportunity and Livelihood; ken ti Farmers Assistance for Recovery and Modernization.
