VIGAN CITY- Binilin ti Malakanyang dagiti amin a national government agencies ken educational institution nga iraman ti “Bagong Pilipinas” hymn and pledge iti linawas a flag ceremonies da.
Basar iti Memorandum Circular No 52 a pinermaan ni Executive Secretary Lucas Bersamin idi Hunyo 4, gagem ti pammilin a maipaganetget dagiti principle ti Bagong Pilipinas brand of governance and leadership kadagiti Pilipino.
Dagiti head ti amin a national government agencies ken instrumentalities ti mangsigurado a maipatungpal ti pammilin iti institusyon wenno opisina nga ayanda.
Nabilin met ti Presidential Communications Office a mangipatungpal iti epektibo nga addang tapno mai-disseminate ti hymn ken pledge kadagiti amin a government office ken iti publiko.
Sagudayen iti Republic Act 8491 wenno ti “Flag and Heraldic Code of the Philippines” nga amin a government office, pakairamanan dagiti local government units ket mangisayangkat iti flag raising ceremony iti kada bigat ti Lunes ken seremonya ti panangibaba iti bandera iti kada malem ti Biernes.
