Nakapasan iti maikadua a pannakaibasa iti Kamara ti gakat a Bagong Balikbayan Act a gagem a mangbukel ti maysa a full-cycle reintegration system para kadagiti overseas Filipino worker (OFW).
Segun ken ni House Committee on Overseas Workers Affairs chairperson ken AGIMAT party-list Rep. Bryan Revilla, gagem ti House Bill 6643 a matignayan dagiti parikot nga agsisina a reintegration efforts iti agduduma nga ahensya iti gobierno.
Ti House Bill 6643 ket naaprubaran babaen ti viva voce voting iti session iti Kamara.
Kinuna ni Revilla nga iti naisayangkat a panagtratar iti komitena ket rimmuar dagiti parikot kadagiti maipatpatungpal a reintegration efforts iti goberno isu a nasaysayaat a maaddaan ti national strategy tapno matulongan dagiti agaw-awid nga OFW.
Iti salinong ti four-pillaw framework a Kaalaman, Kalinga, Negosyo, at Hanap-buhay ni Revilla, dagiti agaw-awid nga OFW ket makaala ti education ken skills recognition, psychosocial support, entrepreseurship ken financing assistance ken oportunidad a makastrek iti trabaho.
Segun ken ni Revilla, ti reintegration process ket marugian iti innem a bulan sakbay iti manamnama a panagawid ti OFW.
