--Ads--
Target ti Department of Agriculture a mailaklaka ti presyo ti bagas ti P38 agingga P39 kada kilo kadagiti Kadiwa Store sakbay a malpas iti January 2025 kalpasan a nagbalin a linteg ti pannaka-amyendar ti Rice Tariffication Law.
Segun ken ni Department of Agriculture Sec. Francisco Tiu Laurel Jr., ti salinong ti linteg ket mangisaysayangkatda ti evaluation ti taripa iti bagas kada uppat a bulan.
Ti maudi nga evaluation ket napasamak idi November iti agdama a tawen ken sumaruno inton Pebrero ken Hunyo 2025.
Kinuna ni Laurel a nakadepende ti garaw ti exchange rate nu maingato wenno saan ti taripa ti bagas a makaapektar ti presyona.
-- ADVERTISEMENT --
Iti agdama ket nangrugin ti panagilako ti DA ti P40 kada kilo ti bagas iti salinong ti Kadiwa ng Pangulo Program.
