VIGAN CITY – Nangrugin a nagiwaras ti ayuda a bagas ken frozen chicken ti Provincial Government of Ilocos Sur kadagiti apektado iti Enhanced Community Quarantine a nangrugi ta nga aldaw September 22 nga agpaut agingga October 6, 2021 gapu iti umad-adu a kaso ti covid-19.
Ti nasao a bilin ket nakaipasalinong iti executive order a pinirmaan ni Gov. Ryan Singson kalpasan iti serye iti diskusyon ken konsultasyon iti local Inter-Agency Task Force iti probinsia ken national IATF.
Ti salinong iti nasao a bilin, naidalan ti dua a lawas nga ECQ ti dua a siudad ken sangapulo ket siam nga ili iti probinsia nga isu iti naikkan iti ayuda a bagas ken frozen chicken manipod provincial government.
Kabayatanna, ti pannakaidalan ti ECQ iti sumagmamano a lugar iti probinsia ket kalpasan a nakumpirmaran iti delta variant ken saanen a kabaelan dagiti government isolation facility ken ospital dagiti pasyente a maapapektaran iti nasao a sakit.
