Impasubli ni Narvacan Mayor Luis Chavit Singson dagiti bagas a naiwaras iti masakopan na gapo kadagiti reklamo a dimmanon kenkuana nga adda iti madi a raman na ken langa na.
Ti pannaki uman ti Bombo Radyo Vigan kenni Singson, masukatan amin a naiwaras a bagas iti nasao nga ili ta awan iti pakababalawan ti lokal a gobyerno no man pay adda dagiti agibagbaga dagiti agnaed nga awan iti diperensya iti bagas a naawat da ta iso payen iti ilutluto da.
Inlawlawag ti mayor a saan a naigagara a naited kadagiti umili iti nasao a bagas ta panpanunuten da iti pagsiatan iti tumunggal maysa saan nga iti pakadaksan da.
Dimmawat iti pannakaawat ti opisyal kadagiti tattao ken pinagyamanan na dagiti agnaed iti nasao nga ili iti agtultuloy a suporta ken talek da iti administrasyon na.
