Ngimmato iti 3.5 percent idi Hulyo ti non-performing loan ratio dagiti bangko iti Pilipinas manipod iti 3.29 percent idi Hunyo, gapu ta marigatan latta dagiti sumagmamano a household ken negosio iti nangato nga interest rate ken inflation.
Ngimmato pay iti 9.3 percent ti gross bad loans iti P585.08 billion, uray pimmaspas a dimmuras ti pakabuklan a loan portfolio dagiti bangko iti 10.6 percent.
Segun iti financial adviser a ni Jonathan Ravelas, mangipakita iti panagpangato ti NPL nga adda sumagmamano a borrower a saan unay a nakabawi, ngem normal ti ingangato ti problem loans bayat nga umad-adu ti pautang.
Nupay kasta, agtaltalinaed a well-capitalized ken adequately provisioned dagiti bangko, isu a saan pay a makitkita ti nakarkaro a peggad iti financial system.
