VIGAN CITY – Dead on arrival ti maysa a backrider ti motorsiklo gapu ti aksidente a napasamak idiay Barangay Sucoc, Narvacan.
Nabigbig ti backrider a ni Eleonor Domenden Desono, agtawen iti uppat a pulo ket wao, agnaed iti Barangay Dalit, Pilar, Abra idinto a ti nagmaneho ket ni Jaime Tibalbag Gambala, agtawen iti limapulo ket walo, mannalon, agnaed iti Barangay Lancuas, San Emilio.
Iti pannaki-uman ti Bombo Radyo Vigan ken ni Police Major Alexander Dangli, mangidaulo iti Narvacan Police Station, agawidda koman idiay San Emilio a naggapu idiay Sucoc agsipud ta adda napanda binisita a kagrupoda idin ta saan a nakontrol ti drayber ti manibela ti luganna ket naawananda iti balanse.
Inlawlawag ni Dangli a saan a napataray ti drayber ti motorsiklo ngem ti nagalis a kalsada ti puon ti nakadisgrasyaanda.
Agpada pay met nga adda helmet dagiti nagkalubbon ken saan a nakainom ti drayber ti motorsiklo.
Gapu dayta, nadunor ti drayber ken ti backrider ket naipaagasda iti ospital para ti pannakatamingda ngem saanen a nakalasat ti backrider a naitupa iti barukongna iti kalsada.
