Pimmusayen ni Chenzhen Kate Callo Martinez, agtawen iti duapulo ket dua, taga-Barangay Banglayan, Narvacan a naaksidente idi Mayo 17 idiay Quirino Blvd, Barangay Tamag, Vigan City gapu iti pannakadungpar ti motorsiklo a naglugananna.
Ni Martinez ket backrider iti motorsiklo a minaneho ni Brent Alimboyuguen Laurente, agtawen iti sangapulo ket siam, taga-Barangay Raois, Vigan City.
Iti pannaki-uman ti Bombo Radyo Vigan iti inana a ni Erlinda Martinez, nadagsen kadakuada nga awaten ti panangpanaw kadakuadan ti anakna ta kunana a saannan a natungpal dagiti arapaapna pakairamananen ti panagbalinna a pulis ta maysa a Criminology student.
Kunana nga awan pagkunaanna iti ankna ta nalaing ken mannakatulong ta ikarkarina pay a no makaturpos ket isu ti mangpaadal kadagiti adingna.
Kiddaw met ti ina iti akin-kukua iti aso a nadungparda a tulongan ida kadagiti magastos iti pannakaimasayag ti anakna.
VIDEO AUDIO OF ERLINDA MARTINEZ
Kabayatanna, kiniddaw met ni Barangay Captain Renato Rabot kadagiti agindeg a sumurotda iti naipatungpal nga ordinansa nga “Aso Mo, Itali Mo” ta igalutda dagiti asoda tapno maliklikan dagiti aksidente.
Segun ken ni Rabot, awan pay ti nangako no sino ti akinkukua ti aso a nadungpar dagiti nasao a nagkalubbon.
Innayonda a kompletoda met iti listaan dagiti balay nga adda iti tarakenna ngem saan laeng nga updated.
VIDEO AUDIO OF BARANGAY CAPTAIN RENATO RABOT
