Viral ita iti social media ni Punch, ti baby monkey wenno macaque idiay Ichikawa City Zoo idiay Japan gapu iti orangutan plushie-na.
Adu iti natukay iti riknana idi naammoanda ti pakaistoryaan ni Punch a mapapati a masansan nga iggemna ti stuffed toy kasukat ti panangaywan ti inana a nangabandona kenkuana.
Nagwaras pay iti video a mapapati a naungtan isuna iti maysa a nataengan a sunggo idi pinadasna a maki-interact iti dadduma nga ubbing a sunggo.
Inlawlawag met ti zoo a paset ti normal a social dynamics ti grupo ti nasao nga insidente ken awan iti seryoso nga agresyon kontra ken ni Punch.
Impaganetget pay iti zoo nga ipakpakita iti tibker ken pigsa iti nakem ti baby monkey bayat nga in-inut iti pannakibagayna iti grupo.
Inallukoyda iti publiko a suportaran ni Punch imbes a maasian kenkuana.
