Baboy nga aggapu idiay Ilocos Norte, posible a mapalubusan a maiserrek ditoy probinsiya

VIGAN CITY – Dagiti laeng baboy nga aggapu idiay Ilocos Norte iti posible a maipalubos a sumrek ditoy probinsiya.

Dayta ti maysa kadagiti napagpapatangan iti naisayangkat a taripnong dagiti meat vendor, hog raisers pakairamanan dagiti aglonglongganisa ken agbagbagnet ditoy probinsiya idi napan a lawas.

Segun ken ni Sangguniang Panlalawigan Member Efren “Rambo” Rafanan, bigbigen na dagiti hog raiser wennu dagiti agtartaraken ti baboy ta uray nu saan na a pinaayaban ida ket nakitaripnong da tapnu mapagpapatangan nu kasanu a mapalukayan iti pannakapainget iti panangiparit ti panagiserrek iti baboy ditoy probinsiya.

Mamati ni Rafanan nga agkurkurangen iti suplay iti karne ti baboy ditoy probinsiya isu a masapul a mapagpapatangan a naimbag nu kasanu a masupusupan iti demand dagiti aggatang.