Paingetan ni Pres. Ferdinand Marcos Jr. ti Department of Trade and Industry (DTI) iti panagbantay iti presyo dagiti kangrunaan a magatang tapno maliklikan ti kellaat a panagpangatona.
Paset dayta iti Executive Order No. 110 a nagdeklarar ti state of national energy emergency gapu iti kumarkaru a tensyon idiay Middle East.
Iti salinong ti bilin, mapapigsa pay iti suportar iti micro, small and medium enterprises (MSMEs) ken maiduron iti panagaramat ti electric vehicles, renewable energy, ken dadduma pay nga energy-efficient solutions tapno makissayan ti panagdepende iti langis.
Nabilin pay ti Department of Agriculture a siguradoen nga umdas ken nalaka ti presyo iti taraon ken gamit iti agrikultura.
Naipalubos iti panag-angkat ti abono ken dadduma pay nga agricultural inputs kagiddan ti pannakaipatungpal ti tulong kas ti Presidential Assistance for Farmers and Fisherfolk (PAFF) ken Quick Response Fund (QRF).
