VIGAN CITY – Dead on the Spot ti maysa a babai ta nagbekkel iti uneg iti pagtaenganda idiay Brgy. Bannuar, San Juan, Ilocos Sur.
Ti biktima ket ni Marideth Tagaban Friala, agtawen ti limapulo ket uppat, naasawaan nga agnaed iti nasao a lugar a nagbekkel iti uneg ti kuartoda.
Maibasar iti imbestigasyon ti San Juan Police Station, timmawag kadakuada ti asawa ti biktima a ni Jose Friala a nangipakaammo iti panagbekkel ti biktima.
Segun ken ni Friala, napaliiwna a marigatan a maturog ti biktima idi kallabes ket idi agsapa idi kalman, nakita na laengen a nakabitin ti asawana iti kuartoda.
Kitkitaen dagiti otoridad nu adda kainaigan iti panagpakamatay ti biktima iti utangna iti maysa a bangko ken kadagiti dadduma a lending institutions nga aggatad ti P70,000 kagiddan iti pannaka-depress na ta adda pay iti sagubanitna a diabetes ken hypertension.
