Nakemmeg ti maysa a babai iti buy-bust operation idiay Jose Singson St., Barangay 8, Vigan City, Ilocos Sur idi rabii, June 16, 2026.
Ti suspek ket nabigbig a Street Level Individual, agtawen iti duapulo, balasang, awanan ti trabaho nga agnaed idiay Barangay 3, Vigan City.
Iti panangisayangkat dagiti otoridad ti buy-bust operation ket nakemmeg ti suspek ken naala iti drug evidence kenkuana a 0.7 a gramo iti mapapati a shabu nga aggatad iti P4,760 a naipan iti dua nga small heat-sealed transparent plastic sachets a nagserbi a buy-bust item ken possession.
Dagiti non-drug evidence a naala ket maysa a piraso iti genuine P1,000 paper bill a nagserbi a buy-bust money, maysa a zipped lock a naglaon iti P158, maysa a PhilHealth ID Card, maysa Kabagis ID Card, maysa a brown wallet, ken maysa a zipped lock a naglaon iti voters registration form.
